اجتماع وتقاطع الأحداث

من هنا راح تبدى الاحتمالات تدخل في أسئلة تحتاج شوية تفكير ما تخافيش المشكل غالبا ما يكونش في الحساب المشكل يكون في فهم واش راه يقصد السؤال وخاصة كي تشوفي كلمات كيما أو و هذو زوج كلمات صغار بصح الفرق بينهم مهم بزاف اليوم راح نفهموهم بطريقة بسيطة

نفرضو عندنا حدث A وحدث B كي نقولو A أو B معناها نحبوا النتائج اللي تحقق A أو تحقق B أو تحقق الاثنين مع بعض يعني كلمة أو هنا واسعة أي نتيجة تدخل في واحد من الحدثين نقدروا نقبلوها

درك إذا قلنا A أو B نشوفو كامل النتائج اللي تحقق A أو B A فيها 2 و4 و6 B فيها 5 و6 إذن نلموهم بدون ما نعاودو 6 مرتين

لاحظي حاجة مهمة العدد 6 موجود في A وموجود في B بصح كي نديرو الاجتماع ما نكتبوش 6 مرتين لأن 6 نتيجة وحدة ما تبدلتش غير لأنها حققت الحدثين

درك نجيبو الكلمة الثانية و كي نقولو A و B ما نحبوش النتائج اللي تحقق واحد منهم فقط نحبوا النتائج اللي تحقق A وB في نفس الوقت يعني لازم النتيجة تكون مشتركة بين الحدثين

السؤال هنا وش هي النتيجة اللي موجودة في A وموجودة في B في نفس الوقت نشوفو 2 ماشي في B 4 ماشي في B 5 ماشي في A 6 موجودة في الاثنين إذن

هذه أهم حاجة في الصفحة كي تشوفي A أو B فكري نلمو كامل النتائج اللي تحقق واحد من الحدثين وحتى اللي تحقق الاثنين أما كي تشوفي A و B فكري نقلبو غير على النتائج المشتركة يعني اللي تحقق الحدثين في نفس الوقت

بعد ما فهمنا الأحداث نقدرو نحسبو احتمال الاجتماع والتقاطع يعني نقدروا نسقسو شحال احتمال A أو B ولا شحال احتمال A وB وهنا راح نحتاجو نفهمو واش الأحداث عندها نتائج مشتركة ولا لا

كاين أحداث ما يقدروش يوقعو مع بعض في نفس التجربة مثلا في رمية وحدة للنرد A هو خروج عدد زوجي و B هو خروج عدد فردي هل نقدروا نخرجو عدد زوجي وفردي في نفس الرمية لا مستحيل إذن هذو الحدثين نسميهم متنافيين

إذا كانو الحدثين متنافيين يعني ما عندهم حتى نتيجة مشتركة نقدرو نحسبو احتمال وقوع واحد منهم أو الآخر بجمع الاحتمالين

هنا لازم تنتبهي إذا كان الحدثان يقدرو يتحققو مع بعض ما نقدرش نجمع الاحتمالين وخلاص لأن النتيجة المشتركة راح نحسبوها مرتين لهذا لازم ننقصو احتمال التقاطع

كي تشوفي سؤال فيه أو أول حاجة شوفي الأحداث هل يقدرو يتحققو مع بعض إذا لا الأحداث متنافية ونجمعو الاحتمالين إذا نعم لازم ننتبهو للتقاطع ونستعملو العلاقة المناسبة

ما تخليش الرموز يخوفوك ∪ هذا قولي عليه أو ∩ هذا قولي عليه و وكل مرة تشوفي واحد منهم ترجعي للمعنى تاعو ما تحتاجيش تكوني تحفظي الرموز بطريقة آلية خلي مخك يفهم واش راه يصرا بين الأحداث

ما تشوفيش كلمة أو وتجمعي مباشرة قبلها شوفي واش كاين تقاطع إذا كانت الأحداث يقدرو يتحققو مع بعض كاين نتائج مشتركة وإذا جمعتي الاحتمالات بلا ما تنقصي التقاطع راح تحسبي بعض النتائج مرتين وهنا يطيح الحل

الاجتماع يعني أو والتقاطع يعني و الاجتماع يجمع النتائج اللي تنتمي للحدث الأول أو الثاني التقاطع يبحث على النتائج المشتركة إذا كان الحدثان متنافيين ما عندهمش نتائج مشتركة أما إذا كان عندهم نتائج مشتركة لازم نحسبوها في العلاقة وأهم حاجة ما تحفظيش القاعدة بلا ما تفهمي علاش استعملناها